domingo, 20 de xaneiro de 2019

DESCUBRE MOAÑA!

Comezamos a tempada de rutas en Moaña!

Nesta ocasión e da man do Concello de Moaña teremos 8 rutas guiadas gratuítas para descubrir Moaña durante os sábados dos meses de febreiro e marzo. 


Para asistir só tedes que inscribirvos,  xa sexa a través do mail ailladosratos@gmail.com ou enviando un Whatsapp ao 611080853.

Desta vez poderedes disfrutar coas seguintes rutas:

A Moaña mariñeira:  A historia de Moaña e as súas xentes está moi vinculada co mar. Ao longo deste percorrido polo litoral entre o Porto de Moaña e o Porto de Meira os asistentes coñecerán detalles dos inicios da pesca tradicional, a historia do Pósito de Moaña e a figura do seu impulsor D. Jose Costa Alonso ou algúns dos naufraxios máis importantes que afectaron as familias de Moaña. Tamén visitarán o estaleiro de Carlagho, sede da Asociación Sueste, no que poderán coñecer o interior dunha carpintería de ribeira e o museo aberto das Carreiras de Meira.

             Punto de partida: Diante da nave da SD Tirán, Porto de Moaña
             Hora: 11:00
             Duración aproximada: 2 horas (ida)
             Lonxitude: 2,6 Km (lineal)
             Dificultade: Baixa
           
As Canteiras do Litoral de Moaña: Moaña é terra de mar pero tamén de pedra. Ao longo do noso percorrido descubriremos a historia que agochan as antigas canteiras do litoral de Moaña e que foron a orixe do crecemento económico e social da vila. Co paso do tempo e o desmantelamento das canteiras, eses novos espazos serviron de ubicación para novas actividades empresariais relacionadas co mar, como no caso do estaleiro ASCON ou de Conservas A Guía.

             Punto de partida: Aparcadoiro da Canteira "O Cocho" 
             Hora: 11:00
             Duración aproximada: 1h e 45 minutos
             Lonxitude: 2 km (lineal)
             Dificultade: baixa    

Intermareal de Tirán: Unha ruta moi interactiva axeitada para toda a familia e da que seguro que os asistentes, sobre todo os máis pequenos, sairán sabendo moitas curiosidades sobre as praias e a vida mariña.

             Punto de partida: Aparcadoiro de terra na igrexa de S Xoán de Tirán.
             Hora: 11:00
             Duración aproximada: 2 horas
             Lonxitude:1,5km (ida e volta)
             Dificultade: baixa

 Mulleres da historia de Moaña: Unha ruta para dar a coñecer e poñer en valor o papel da muller dentro do desenvolvemento da sociedade e a vila de Moaña. Historias que paga a pena coñecer sobre figuras importantes con nome propio como Lela Soage, Elisa de la Peña ou Lola Diz que se mesturarán con alusións a colectivos máis anónimos como as peixeiras, as mariscadoras ou as carreiras. 

             Punto de partida: Estación marítima. 
             Hora: 11:00
             Duración aproximada: 2 horas (ida)
             Lonxitude: 2km (lineal)
              Dificultade: baixa      


San Martiño: A igrexa de San Martiño é un dos monumentos románicos máis importantes do Morrazo e tamén dos máis interesantes e descoñecidos da comarca. Partindo da súa historia e da súa arquitectura imos ver como se desenvolveu a orixe de Moaña, vencellada ás familias nobres da parroquia, que deixaron tamén a súa pegada no entorno da igrexa. Casas antigas, arte que pasa desapercibida e historias descoñecidas é o que podemos atopar arredor dun monumento tan importante.

             Punto de partida: Igrexa de San Martiño
             Hora: 11:00
             Duración aproximada: 1 hora y media
             Lonxitude: 1 km
             Dificultade: Baixa


Se tedes algunha dúbida ou tedes un grupo que queira facer a ruta outro día, podedes poñervos en contacto con nós: utilizar o noso formulario de contacto da caixiña da dereita, contactar a través das nosas redes sociais, enviar un email a: ailladosratos@gmail.com ou por Whatsapp ao 611080853.

Vémonos!

mércores, 14 de novembro de 2018

OUTONO EN RUTA 2018

Para rematar un ano moi intenso presentamos o noso último proxecto de rutas guiadas gratuitas do 2018 coa colaboración do Concello de Cangas, Asociación Cultural A Cepa e Centro Óptico Cangas.

Para asistir únicamente hai que inscribirse previamente a través do email ailladosratos@gmail.com ou enviando un whatsapp ao 611 08 08 53 indicando os datos persoais e de contacto dos asistentes.



luns, 3 de setembro de 2018

CANGAS EN RUTA POLA COSTA

Cangas en ruta pola costa é o noso novo programa de rutas para o mes de setembro que estará centrado na relación da nosa vila co mar.

Queremos agradecer a confianza depositada en  nós por parte dos nosos colaboradores para que seguir camiñando sexa posible: O Forno de PabloClínica Dental Fortela Factoría de PROYECTOS de Bueu e a Rodeiramar 2A






As prazas son limitadas polo que para anotarse cómpre inscribirse: email a ailladosratos@gmail.com indicando: nome, idade, ruta elixida, e un teléfono de contacto. Tamén podedes contactar con nós vía Facebook, ou co formulario de contacto da dereita.

  • Senda costeira. Areamilla - Liméns.
             Punto de partida: Praia de Areamilla
             Hora: 11:00
             Duración aproximada: 2h 
             Lonxitude:  7 km
             + info ruta Senda costeira
  • Cangas e o mar. 
             Punto de partida: Igrexa de Cangas
             Hora: 11:00
             Duración aproximada: 1h e media
             Lonxitude: 1,5 km
             Dificultade: Baixa
             + info ruta Cangas e o mar
            
  • Massó. O sentir dun pobo.
             Punto de partida:  Fábrica de Massó
             Hora: 11:00
             Duración aproximada: 2h 
             Lonxitude: 1,4 km
             Dificultade: Baixa
             + info ruta de Massó

  • Casco histórico de Cangas. 
             Punto de partida:  Oficina de información turística do Porto
             Hora: 11:00
             Duración aproximada: 2h 
             Lonxitude: 1,5 km
             Dificultade: Baixa
            + info ruta casco histórico

  • Cabo Home. Camiño dos faros.
             Punto de partida: Caracola de Donón
             Hora: 11:00
             Duración aproximada: 1h 45' 
             Lonxitude:  3 km
             Dificultade: Media
             + info ruta Cabo Home
      

Se tedes algunha dúbida ou tedes un grupo que queira facer a ruta outro día, podedes poñervos en contacto con nós: utilizar o noso formulario de contacto da caixiña da dereita, contactar a través das nosas redes sociais ou enviar un email a: ailladosratos@gmail.com

Vémonos!